დაუდასტურებელი ინფორმაციით, ახალგაზრდა მასწავლებელზე თავდასხმის მიზეზი ეჭვიანობა გახდა. გავრცელებული ინფორმაციით, მისი მოსწავლის, 16 წლის გოგოს შეყვარებულმა მასზე იეჭვიანა.

“ვისაც ამზადებდა, იმ გოგოს უთქვამს შეყვარებულისთვის, ასეთი კარგი მასწავლებელი მყავსო მე – იმან იეჭვიანა… ამ ეჭვიანობის ნიადაგზე, ეტყობა დახვდნენ… გოგოც [მონაწილეობდა] 16 წლისო. თავში ჩაურტყიათ ბლაგვი საგანი, გაითიშა და ძირს ეგდო საცოდავი…სახლში ამზადებდნენ [მოსწავლეებს] დედა-შვილი” | ამბობს მეზობელი TV პირველთან.

ავალიანი 24 ოქტომბერს, რამდენიმეკვირიანი კომისა და 2 ოპერაციის შემდეგ, კლინიკაში გარდაიცვალა. დაკავებულია 1 არასრულწლოვანი, თუმცა ავალიანის დედა ამბობს, რომ მის შვილს სამმა ადამიანმა სცემა და შესაბამისად ყველამ უნდა აგოს პასუხი.

მათემატიკის მასწავლებელს, გიგა ავალიანს უმძიმესი დაზიანებები თავის არეში მიაყენეს. მასზე თავდასხმა რამდენიმე კვირის წინ, თემქაზე, საცხოვრებელ კორპუსთან მოხდა.